आग्रह, चेतावनि र धम्कीको दोहोरी

त्यसो त चेतावनी र धम्की करिव करिव एउटै बाऊका दुई जुम्ल्याहा छोरा जस्तै हुन, तैपनि विषय र प्रसंगको भिन्नता अनुशार कहिलेकाही कूटनैतिक भाषामा धम्किलाई अली लचिलो र कर्ण प्रिय बनाएर 'चेतावनी' भन्ने शब्द प्रयोग गरिन्छ । यदाकदा यो धम्की शब्दलाई साह्रै बिनम्र पार्दा कहिले काहि त्यो 'आग्रह' पनि बन्छ ।

हुन त यी 'आग्रह','चेतावनी' अनि 'धम्की' नेपाली समाज र राजनीतिमा कुनै नौलो कुरा भने पक्कै होईनन् । पहिला आफ्नो कुरा सुन्न आग्रह, नसुने चुप लागेर नबस्ने चेतावनि र त्यसले पनि नपुगे दूर्घटना हुनसक्ने धम्कीहरु हाम्रो समाज र खास गरी राजनीतिका विशेषता वा दाल-भात नै हुन ।

यति सम्मकी एकै चोटी एउटै विषयलाई लिएर पनि भिन्न भिन्न गुट वा दलले यी तिनवटै शब्द पनि फरक फरक अर्थकोलागी प्रयोग गरेका छन ।

केहि समय अगाडिसम्म नेपालमा संबिधान सभाको चुनाव हुने कि नहुने मा शंका थियो र त्यहि बेला एक पक्ष समयमा चुनाव गराउन आग्रह गर्दै थियो, आर्को पक्ष अहिले पनि चुनाव नगराएमा सत्ता कव्जा गर्ने ' चेतावनि ' दिदैं थियो भने तेस्रो पक्ष कुनै पनि हालतमा चुनाव हुन नदिने ' धम्की ', जे होस यो आग्रह, चेतावनि धम्कीहरुको बिचमा पनि चुनाव भयो र कमसेकम अब नया संबिधान बन्ने प्रक्रिया सुरु भएको छ ।

तर नया सभासदहरुको पहीलो बैठक बस्नु अघी नै फेरी हाम्रो राजनीतिमा यी तिन शब्दहरुको भरमार बर्षा हुन थालेको छ, मानौ हामिलाई न अरु कुनै भाषा आउँछ, न बुझ्छौं ।

पहिला पहिला जस्तो आपुर्ती सहज पार्न आग्रह, ईन्धनको मूल्य नघटाए आम हडताल गर्ने चेतावनी वा चन्दा नदिए घर कव्जा गर्ने धम्की भन्दा यो हप्ताका आग्रह, चेतावनि र धम्कीहरु केहि फरक छन यो हप्तामा आएका यी आग्रह, चेतावनि र धम्कीहरु यस अर्थमा पनि ठुला र चर्चा योग्य छन की यो हालका नेपालका सबै ठुला शक्तिवालाहरुबाट आएको छ।

ल हेर्नुस:

एकातीर माओबादिले राजालाई दरबार छाड्न फेरि आग्रह गरेका छन भने, आर्को तीर तीनै माओबादिको ज्यादतिबाट आजित भएर एमालेले माओबादी आतंक नरोकीए प्रतिकारमा उत्रने चेतावनी दिएको छ ।

त्यति मात्रै कहाँ हो र?

तीन‍-चार दिन अघी माओवादी अध्यक्ष प्रचण्डले आगामी सरकारको नेतृत्व माओवादीलाई गर्न नदिए सडकमा जनता उतारिने चेतावनी के दिएका थिए नेपाली कांग्रेसका उपसभापति रामचन्द्र पौडेलले यसरी धम्क्याईरहे कांग्रेस चुप नबस्ने 'प्रति-चेतावनी' दिईहाले। मलाई लाग्यो अब यो दोहोरि यहि समाप्त हुन्छ, तर भएन, आज फेरी त्यत्तीले नपुगेर हाम्रा प्रदानमुन्तरी ले यसरी जथाभावी बोल्दा शान्तिप्रक्रियामा अशर पर्नसक्ने चेतावनी थपे ।

अब माओबादिको एक अन्तरा बिरुध्द नेपाली कांग्रेसले दुई-दुईवटा अन्तरा गाईसके पछि यो दोहोरी यसै अन्त्य के होला? … हेर्दै जाउँ यो राष्ट्रीय दोहोरिमा फेरी कुन दलले कुन भाखाको गितले जबाफ दिने हुन।

आग्रहि भाखा आजकल कमजोर भएकाले अब केबल चेतावनि र धम्कीको भाखा मात्रै चल्ने देखीएकोले अब आउने दिनहरुमा धम्की र चेतावनिको भाखाका निक्कै गितहरु नेपाली राजनैतीक आकाशमा गुन्जिने र 'हिट' हुने लक्षण देखीएको छ । ति नया गितहरु 'रिलिज' भए पछि यहाँ फेरि राखौंला, त्यो भन्दा पहिले केहि अन्तराष्ट्रीय आग्रह, चेतावनि र धम्कि भाखाका यी गित सुन्दै गर्नुहोला :

विखण्डनकारी गतिविधि रोक्न चीनको आग्रह

भुटानी राजालाई नेपाली राजा जस्तो हुने चेतावनी