वर्डप्रेसमा नि:शुल्क ब्लग खोल्नुहोस !

नयाँ ब्लगरहरुको लागि सजिलो होस भनि लेखिएको यो बल्गको सुरुको भाग यहाँ छ । यदि तपाई ब्लगर (blogger.com) मा नि:शुल्क बल्ग खोल्ने तरिकाको खोजीमा हुनुहुन्छ भने त्यो यहाँ छ।

यो भागमा वर्डप्रेस (wordpress.com) मा नि:शुल्क बल्ग खोल्ने तरिका क्रमैसंग दिईएको छ ।  यदि तपाई वर्डप्रेस (wordpress.com) मा ब्लग खोल्न चाहनुहुन्छ भने:

१) पहिला http://wordpress.com/ मा जानुहोस र दायाँपट्टी भएको "Sign up now" मा क्लिक गर्नुहोस ।

२) अब तपाई "Get your own WordPress.com account in seconds" लेखिएको नयाँ पेजमा पुग्नु हुनेछ । त्यो पेजमा रहेको फर्ममा तल देखाईएका सूचनाहरु भर्नुहोस।

Username: यहाँ तपाइ आफ्नो नाम वा वर्डप्रेसमा प्रवेश गर्न चाहिने कुनै अन्य अक्षर समुह प्रयोग गर्न सक्नुहुन्छ (जुन तपाईलाई पछि सधैं आवश्यक हुन्छ र सम्झना राख्‍नु पर्ने हुन्छ)

Password कम्तिमा एउटा अंक भएको  कुनै पनि पासवर्ड राख्‍नुहोस ।

Confirm: माथी लेख्‍नु भएको पासवर्ड पून: दोहर्‍याउनुहोस (याद गर्नुस, यो पनि तपाईले सधैं याद गर्नु पर्ने हुन्छ )

Email Address: तपाईको कुनै पनि ईमेल ठेगाना ।

अन्तमा Legal flotsam संगैको “I have read and agree to the fascinating terms of service.” भन्दा अगाडि र “Gimme a blog! (Like username.wordpress.com)” मा चेक मार्क लगाएर "Next >" मा क्लिक गरी अगाडि बढनुहोस ।

यहाँनेर तपाईले छान्नु भएको प्रयोगकर्ता नाम अर्थात Username अरु कसैले दर्ता गराई सकेको भए तपाईले हालसम्म दर्ता नभएको कुनै नाम चयन गर्नु पर्ने हुन्छ ।

३) माथीको क्रम सके पछी तपाई तलको चित्रमा जस्तै अर्को नया पेजमा पुग्नु हुने छ ।

Blog Domain यो तपाइको स्थाई ठेगाना हुने छ र यसलाई एकचोटी बनाए पछि परिवर्तन गर्न मिल्दैन

Blog Title: यो तपाईको सुरुमा देखीने ब्लगको नाम वा शीर्षक हो र पछि कुनै पनि बेला परिवर्तन गर्न सकिन्छ

Language: यसमा सुरुमा नै अंग्रेजी भाषा छानिएको हुन्छ र यसमा पनि कुनै परिवर्तन जरुरी छैन ।

अब, “Privacy” भन्दा पछाडिको “I would like my blog to appear in search engines like Google and Technorati, and in public listings around WordPress.com” मा चेक मार्क लागाउनुहोस । र "Signup >" मा क्लिक गर्नुहोस ।

४) अब खुल्ने पेजमा:

 

First Name: मा आफ्नो नाम लेख्‍नुहोस ।

Last Name: मा आफ्नो थर लेख्‍नुहोस ।

About Yourself: मा आफ्नो बारेमा छोटो चिनारि दिनुहोस र "Save Profile >" मा क्लिक गर्नुहोस

५) अन्तिम स्टेप, अब तपाईले दोस्रो स्टेपमा दर्ता गराउँदा प्रयोग गर्नु भएको ईमेल ठेगानामा वर्डप्रेसको (WordPress.com) को नामबाट एउटा ईमेल आउने छ। त्यसैले अब एकचोटी आफ्नो सो ईमेल खोल्नुहोस ।

सो ईमले करिव करिव यस्तो हुने छ:

Howdy,
Thank you for signing up with WordPress.com.  You are one step away from blogging at xyzxyzxyz.wordpress.com. Please click this link to activate your blog:
http://wordpress.com/activate/84335a95e52adcd381b
--The WordPress.com Team

सोमा माथी देखाईएको जस्तै http://wordpress.com/activate/84335a95e52adcd381b मा क्लिक गर्नुहोस । (यदि सो लिन्क क्लिक गर्दा खुलेने भने सो एड्रेस कपी गरेर ब्राउजरको एड्रेस बारमा पेस्ट गरी खोल्दा पनि हुन्छ )

६) बस, तपाईको वर्डप्रेस ब्लग तयार भयो । अब तपाई मथिको जस्तै “Your account is now active!” लेखिएको पेजमा पुग्नुहुन्छ । अब पेजको तल रहेको View your site मा क्लिक गरेर भर्खर बनेको आफ्नो बल्ग हेर्न सक्नुहुन्छ भने “ Login” मा क्लिक गरी कुनै पनि लिन्कमा क्लिक गरेर तपाई आफ्नो ब्लगको ड्यास बोर्डमा गएर नयाँ पोष्ट लेख्‍न र अन्य विकल्पहरु मिलाउन सक्नुहुन्छ ।

नयाँ पोष्ट लेख्‍न ड्यासवोर्डको देब्रेतिर रहेको Posts>>Add New चयन गर्नु भयो भने तलको जस्तो नया पेज खुल्ने छ:

त्यहा माथीको खालि ठाउँमा आफ्नो चरनाको शीर्षक र तलको ठूलो भागमा आफ्नो रचना  लेख्‍नुहोस । अब आवश्यक लागेमा दायाँतर्फ रहेका “+ Add New Category” बाट रचनाको विधा चयन गर्नुहोस (वा कथा, कविता के हो लेख्‍नुहोस) र "Publish" मा क्लिक गर्नुहोस । तपाईको पहिलो पोष्ट तपाईको आफ्नै ब्लगमा छापिनेछ ।

ल तपाईको आफ्नै ब्लग वर्डप्रेसमा तयार भयो ।

Happy Blogging !

यो पनि हेर्नुस:

के तपाई पनि ब्लग चलाउन चाहनुहुन्छ ?

blogger.com मा नि:शुल्क ब्लग खोल्नुहोस !

---

मेरो बिचार र अभिव्यकतिको साझा चौतारी