केही उटपट्याङ मुक्तकहरु

छट्टु प्रेमी

दिदी पनि बहिनी पनि,
दुबै च्वाँक च्वाँक देख्‍छु । 
कार्वन राखी एउटै चिठ्ठि
दुबै मोरीलाई लेख्छु ।

डिस्को प्रेम

डिस्को हलमा माया बस्यो
हेर्न लागें यता उता ।
नाच्दा नाच्दै वियरले छाड्यो
तिमी कता, म कता कता !  

  लमी

तिमी काली छ्यौ त के भयो?
‘ऊ’ मात्रै कहाँ गोरो छ ।
तिम्रो दोस्रो बिबाह भएर के भो?
उसको पनि पहिलेको छोरो छ ।

मन्दीको होली

मन्दिको मारमा,
अबिर, रंग दुर्लभ भए
आउ प्रिय, म तिम्रै गालाको लालीले
तिमिलाई नै रंगाईदिन्छु ।
तिमी आफ्नो प्रेमले मलाई भिजाईदिनु
यसपालाको फागु मीतव्ययी बनाऔं ।

 

जेनेरेशन ग्याप

बुढा बाजेले सम्झाउँदैं थिए:
सबैले एक दिन मर्नै पर्छ …’ 
बिचैमा नातिले कुरा काट्यो
‘…त्यसैले त प्रेम गर्नै पर्छ’

ब्लफ कल

‘हेलो !, …’
‘को तिमी?’
‘हैन म ‘तिमी’ को बाऊ”
‘सरी, रङ नम्बर!’

अन्य केही उटपट्याङ मुक्तकहरु