केही नि:शुल्क तर उपयोगी सफ्टवेयरहरु ।

सामान्यतया कुनै पनि चिज जत्ति महंगो भयो उत्ती राम्रो हुन्छ भन्ने मानसिकता प्राय: सबैमा हाबी हुन्छ। तर सफ्टवेयरको कुरा गर्ने हो भने यो सधैं लागु हुँदैंन। नि:शुल्क पाईने धेरै यस्ता सफ्टवेयरहरु छन, जुन पैसा तिरेर पाईने जत्तिकै वा त्यो भन्दा पनि राम्रा पनि हुन सक्छन ।

आजको पोस्टमा म, मैले प्रयोग गर्दै आएको केही यस्ता नि:शुल्क तर अत्यन्तै उपयोगी सफ्टवेयरको बारेमा चर्चा गर्दै छु ।

Team Viewer: (File size 5.69 MB)

यो एउटा रिमोट कन्ट्रोल सफ्टवेयर हो । अर्थात यसको प्रयोगबाट (ईण्टरेनटको सुबिधा छ भने) तपाई आफ्नो घरको कम्प्युटर संसारको कुनै पनि कुनाबाट चलाउन सक्नुहुन्छ वा आफ्नो कम्प्युटर अरु कसैलाई चलाउन दिन पनि सक्नुहुन्छ ।

साधारण भाषामा भन्दा, संसारको कुनै पनि कुनामा इण्टरनेट सञ्जालमा रहेको अर्को कम्प्युटरलाई आफ्नै कम्प्युटर जस्तै गरेर चलाउन सकिने र सो कम्प्युटरको हार्डवेयर, सफ्टवेयरमा पुर्ण नियन्त्रण गर्नुको साथै आफ्नो र अर्को सिस्टममा रहेको फाइल तथा डाटाहरु एक अर्कासंग बाँढन (सेयर गर्न) र आवश्यक परेको बेलामा हजारौं किलोमीटर परबाट पनि अर्को कम्प्युटर मर्मत तथा सुधार गर्न समेत यो काम लाग्छ ।

एकदमै सरल ईनटरफेस रहेको यो सफ्टवेयर वहनिय अर्थात portable software को रुपमा पनि उपलब्ध छ । जसलाई तपाइ पेन ड्राईव वा मोबाईलको मेमोरिकार्डमा समेत राखेर चाहेको बेलामा कुनै पनि कम्प्युटरबाट प्रयोग गर्न सक्नुहुन्छ ।

यस बारेमा बढि जानकारी यहाँ छ र कम्प्युटरमा जडान नगरीकन सिधै चलाउन मिल्ने भर्सन यहाँबाट डाउनलोड गर्न सक्नुहुन्छ ।

एकदमै सरल ईन्टरफेस भएको यो प्रोग्राम सुरु गर्ने बित्तिकै तपाईको मोनिटरमा तलको जस्तो चित्र देखिनेछ :

अब यदि तपाई आफ्नो कम्प्युटर कार्यालय, घर वा अन्त कतै रहेका कुनै साथीलाई चलाउन दिन चाहनुहुन्छ भने तपाईले माथी चित्रमा देखाईएजस्तै आफ्नो क्म्प्युटरमा देखिएको ID र Password (चित्रमा “1” र “2” लेखिएको छ) अर्कोतर्फ दिनु पर्छ। यदि तपाई अर्को तर्फको कम्प्युटर चलाउन चाहनुहुन्छ भने सो कम्प्युटरको ID र Password लिनुहोस। अनि चित्रमा  “3” लेखीएको ID को खाली भागमा उताको कम्प्युटरको ID हालेर Connect to Partner मा दबाउनुहोस।

अब खुल्ने विण्डोमा तपाईसंग अर्कोतर्फ रहेको कम्प्युटरको Password मागिनेछ। खाली कोठामा सो हालनुहोस र Log on मा क्लिक गर्नुहोस । तपाईको मोनिटरमा हजारौं किलोमीटर टाडा भएपनि अर्कोतर्फको कम्प्युटरको स्क्रिन देखिनेछ । जसलाई तपाई आफ्नै कम्प्युटर जस्तै गरी किबोर्ड र माउसको सहारले आरामले चलाउन सक्नुहुन्छ  र एक आपसमा फाईल सेरीङ देखि लिएर कम्प्युटर मर्मत, सुधार वा अन्य कुनै पनि काम गर्न सक्नुहुन्छ ।

PicPick Tools: ( File size 1.44 MB)

तपाइ अध्ययन, कार्यालयको काम वा अन्य कुनै प्रयोजनको लागि कम्प्युटरमा काम गर्नु हुन्छ भने तपाईलाई कुनै बेला आफ्नो मोनिटरमा भएका चित्र वा अन्य कुनै चिजको प्रतिलिपि वा स्क्रिनशट लिनु परेको हुनसक्छ ।

कहिलेकाही कुनै तस्बिर वा वेबपेजको कलर कोड ठ्याक्कै नभेटेर अल्मल्लिनु भएको पनि हुन सक्छ ।

अनि ग्राफिक डिजाईन वा ब्लगिङ गर्ने क्रममा मोनिटरमा देखिएका कुनै पेज वा चित्रहरुको लम्बाई, चौडाई वा छोटकरीमा भन्दा पेजको ले-आउटको ठिक (वा ठ्याक्कै) साईज पत्ता लगाउन मुश्किल परेको पनि हुनसक्छ ।

त्यस बाहेक डेस्कटपमै कुनै चिन्ह वा सामान्य संकेत प्रयोग गरेर स्क्रिनशट लिन सके कुनै काम कत्ती सरल हुन्थ्यो भनेर पनि सोच्नु भएको हुनसक्छ ।

यदि तपाइ यि सबै कार्यका लागि भिन्दा भिन्दै सफ्टवेयर प्रयोग गर्दै हुनुहुन्छ भने यि सबै काम होलसेलमा एउटै सफ्टवेयरले गर्ने सफ्टवेयर नै हो PicPick Tools। एउटै सफ्टवेय जसमा:

Image Editor, Screen Capture, Color picker, Pixel Rulrer, Cross Hair, Whiteboard र अन्य केहि प्रयोगात्मक सुबिधाहरु छन र त्यो पनि नि:शुल्क !। यसको प्रयोगबाट ठाडो र तेर्सो रुपमा स्केलको प्रयोग गरेर Pixel साईज लिन देखि मोनिटरमा देखिएका कुनै पनि रंगको कलरकोड लिन र आफुलाई चाहिएजस्तो गरि स्क्रिनशट लिएर त्यसलाई एकदमै सजिलोसंग सम्पादन गर्ने सुबिधा समेत छ। यदि तपाई यो बहुउपयोगी सफ्टवेयरको बारेमा बढी जान्न चाहनुहुन्छ भने यहाँ जान सक्नुहुन्छ । सिधै डाउनलोडको लागि यहाँ वा यहाँ क्लिक गर्नुहोला । तलका स्क्रिनशट हेर्नुहोस:

(याद गर्नुस यो सफ्टवेयरलाई पनि पेन ड्राईव, एक्सटर्नल हार्ड डिस्क वा अन्य कुनै मेमोरी कार्डमा हालेर विना ईन्स्टल वहनिय रुपमा पनि प्रयोग गर्न सकिन्छ।)

अफिस सर्टकर्ट बारको विकल्प: (File size 1.75 MB)

हामीहरु प्राय: कामकाजको लागि माईक्रोसफ्ट अफिस प्रोग्राम चलाउँछौं । माईक्रोसफ्टका अफिसका पुराना भर्सनमा डेस्कटपको माथि एउटा वर्ड, एक्सेल वा अन्य कुनै पनि सफ्टवेयरको द्रुत-सेतु (सर्टकट) बनाउन मिल्थ्यो। तर अफिस २००३ संगै सो अनुप्रयोग बन्द भयो । तर यदि तपाइ त्यस्को विकल्पको खोजीमा हुनुहुन्छ भने FreeBar तपाईकोलागि उपयोगी हुन सक्छ। यो पनि कानुनन नि:शुल्क र ओपनसोर्स सफ्टवेयर हो। यसको बारेमा अरु जानकारी यहाँ छ र सिधै डाउनलोड यहाँबाट गर्न सक्नुहुन्छ । डाउनलोड पश्चात यसलाई कम्पयुटरमा ईन्स्टल गर्नुहोस र ईन्स्टलेसनको अन्ततिर देखीने स्क्रिनमा “Load Freebar on Startup” अनि Launch Freebar मा चेकमार्क लगाउन नभुल्नुहोला ।

त्यसपछि तपाईको मोनिटरको दायाँतर्फको माथिल्लो  भागमा वायाँतर्फको चित्रमा जस्तो "C" लेखिएको एउटा आईकोन देखिनेछ । अब यो "C" मा क्लिक गरेर Customize... मा क्लिक गर्नुहोस।

अब तपाईको मोनिटरमा एउटा तलको चित्रमा जस्तै नयाँ बक्स विण्डो खुल्ने छ:

 

अब माथी चित्रमा देखाईए जस्तै गरि Toolbars मा क्लिक गर्नुहोस अनि Add Toolbar हुँदैं
Create a new, blank toolbar called: लेखिएको ठाउँको खाली भागमा Office, My Toolbar वा आफुलाई मन पर्ने कुनै नाम लेख्नुहोस र  “OK”  मा क्लिक गर्नुहोस । अब तपाईको टुलबार तयार भयो ।

अब माथिको चित्रमा देखाए जस्तै “Buttons” मा क्लिक गर्नुहोस र  “Add File...”, “Add Folder...” वा “Add Special Shortcut...” आदिमा दबाएर आफुले बराबर प्रयोग गर्ने सबै प्रोग्रामहरुलाई एउटै टुलबारमा राख्नुहोस। साथै तपाइ आफुलाई चाहिने कुनै पनि प्रोग्राम वा फाइल-फोल्डरलाई सिधै ड्रयाग गरेर पनि यसमा जोड्न सक्नुहुन्छ ।

यो सफ्टवेयर पूर्ण रुपमा customizable वा हेरफेर गर्न सकिने भएकोले टुलबारमा देखिने आईकोनका साईजहरु यो सफ्टवेयरको View>>Button Size>>Custom Size>>Custom size.. मा गएर मिलाउन सक्नुहुन्छ भने अन्य धेरै कुराको पनि फेरबदल गर्न सक्नुहुन्छ ।

Happy New Year !

यो पनि हेर्नुहोस: अन्य केही नि:शुल्क तर उपयोगी सफ्टवेयरहरु ।