जिमेल भीत्रबाटै फेसबुक र ट्वीटर चलाउनुस !

सन २००४ को अप्रिल १ मा सिमित (निमन्त्रित) प्रयोगकर्ता बीच खुला गरेर विस्तारै बिटा भर्सन हुँदै ७ जुलाइ २००९ मा मात्रै 'फुल भर्सन' मा आएको जिमेल सुरुदेखि नै यसको सरल ईन्टरफेस र बहुउपयोगी अनुप्रयोगहरुका कारण प्रयोगकर्ता माझ लोकप्रिय रह्यो ।

एउटै मेल एकाउन्ट खोलेपछि गुगलसँग आबद्ध अन्य सेवा-सुविधा प्रयोग गर्न मिल्ने मात्रै नभइ यसको Labs, Gadgets आदि अनुप्रयोगबाट बाह्य वेब एप्लीकेशन पनि जोडन सकिने विविध सुविधाहरूका कारण जिमेल झनै उपयोगी र लोकप्रिय हुँदै गएको छ भन्दा फरक नपर्ला ।

यसरी जिमेलमा आबद्ध गर्न सकिने सैयौँका सङ्ख्याका अनुप्रयोगहरूको चर्चा सानो पोस्टमा असम्भव छ । अत: आजको पोस्टमा म जिमेल भित्रबाटै कसरी फेसबुक, ट्वीटर आदि सामजिक सञ्जाल चलाउने भन्ने बारेमा छोटो चर्चा गर्दैछु ।

जिमेल भित्रैबाट फेसबुक, ट्वीटर आदि चल्ने बनाउनु भन्दा पहिला यस बारेका केही आधारभूत कुराहरू:

माथी बताइएजस्तै जिमेल भित्रबाट वाह्य इमेल वा सामाजिक सञ्जालका एकाउन्टहरू चलाउन जिमेलमा उपलब्ध Gadgets सक्रिय गराउनु पर्छ । त्यसैले सबैभन्दा पहिला आफ्नो जिमेलमा लगइन गर्नुहोस र Mail Settings>> Labs हुँदै Available Labs भन्दा मुनि रहेको “Add any gadget by URL” लाई Enable गर्नुस (अर्थात Enable मा चेकमार्क लगाउनुहोस) र पेज स्क्रोल गरेर पेजको तलतिर भएको "Save Changes" मा क्लिक गर्नुहोस । तलको चित्र हेर्नुस (चित्रलाई ठुलो गरेर हेर्न त्यसैमा क्लिक गर्नुहोला—चित्र आफैँ अर्को पेजमा खुल्ने छ):

अब तपाईँको जिमेल एकाउन्ट वाह्य इमेल वा सामाजिक सञ्जालसँग जोडिन तयार भयो । अब हरेक सामाजिक सञ्जाल वा वाह्य इमेल सक्रिय गराउन तलको विधि आपनाउनुस:

जिमेल भित्रबाट फेसबुक:

हो, facebook.com वा फेसबुकको आधिकारीक वेबसाइटमा नगइकन, जिमेलभित्र बाटै फेसबुक सञ्चालन गर्न सम्भव छ र सजिलो पनि । यदि तपाईँ जिमेल भित्रैबाट फेसबुकमा भएका साथीहरूका नयाँ स्टाटस अपडेट हेर्न, आफ्नो स्टाटस अपडेट गर्न र साथीहरूसँग अन्तरक्रिया गर्न चाहनुहुन्छ भने त्यसको लागि यसो गर्नुस:

१) आफ्नो जिमेलको माथिल्लो दायाँपट्टी भागमा रहेको Options>> Mail Settings हुँदै Gadgets मा क्लिक गर्नुस् । (तलको चित्रमा हेर्नुस—चित्र ठूलो गर्न त्यसैमा क्लिक गर्नुस)

२) अब Add a gadget by its URL: भन्दा मुनि रहेको खाली भागमा तलको URL कपि पेस्ट गर्नुस र Add मा क्लिक गर्नुस: http://hosting.gmodules.com/ig/gadgets/file/104971404861070329537/facebook.xml (यो URL खाली बक्समा पेस्ट गर्नुस)

३) अब तपाईँको जिमेलमा फेसबुक जोडिने छ र तपाईँले जिमेलको साइडबारमा वायाँपट्टिको चित्रमा जस्तै फेसबुकको ग्याजेट देख्नु हुनेछ र सो लाई Expand गरेपछि तपाईँको जिमेल पेजमा फैसबुकका अपडेट र सन्देशहरू देखिने छन् । । पहिलो प्रयोगमा तपाईँले फेसबुकमा लगईन गर्ने र यो ग्याजेटलाई फेसबुक access गर्ने अनुमति दिनु पर्ने हुन्छ । चित्रमा हेर्नुस:

ग्याजेटलाई आवश्यक अनुमति दिने क्रममा तपाँईले आफ्नो फेसबुकको युजरनेम र पासवर्ड प्रविष्ट गर्नु पर्ने हुन्छ अब तपाईँ जिमेल भीत्रबाटै मजाले फेसबुक चलाउन सक्नुहुन्छ । तलको चित्र हेर्नुस:

जिमेल भीत्रबाट ट्वीटरको प्रयोग:

माथी नै लेखिसकिएको छ वाह्य सञ्जाल वा इमेल आदि ग्याजेटकै माध्यमबाट जिमेलमा जोडिन्छन् । त्यसैले Add any gadget by URL लाई Enable गरिसकेको अवस्थामा अन्यकुनै सेवा वा सुविधा यसमा जोडन सिधै Gadgets मा जान सकिन्छ। अत: ट्विटरलाई जिमेलमा जोडन्:

१) सुरुमा जिमेलको माथिल्लो दायाँपट्टी भागमा रहेको Options>> Mail Settings हुँदै Gadgets मा क्लिक गर्नुस् ।

२) अब Add a gadget by its URL: भन्दा मुनि रहेको खालि भागमा तलको URL कपि पेस्ट गर्नुस र Add मा क्लिक गर्नुस:

http://twittergadget.appspot.com/gadget-gmail.xml (यो URL खाली बक्समा पेस्ट गर्नुस)

अब तपाईँको जिमेलमा ट्विटर पनि जोडिने छ ।

यो ग्याजेट जोडिइसकेपछि फेसबुक ग्याजेट जस्तै यो पनि जिमेलको साइडबारमा देखिने छ। वायाँपट्टीको चित्रमा हेर्नुस। यसको पहिलो प्रयोगमा पनि तपाईँले फेसबुकको जस्तै यो ग्याजेटलाई ट्विटर access गर्ने अनुमति दिनु पर्ने हुन्छ । तलको चित्रमा हेर्नुस:

ग्याजेटलाई आवश्यक अनुमति दिने क्रममा तपाँईले आफ्नो ट्विटरको युजरनेम र पासवर्ड प्रविष्ट गर्नु पर्ने हुन्छ । तत्पश्चात् तइपाई सिधै जिमेल भित्रबाटै ट्वीटरको पनि प्रयोग गर्न सक्नुहुन्छ ।

चित्रमा हेर्नुहोस्। तपाईँ अब जिमेल भित्रैबाट ट्वीटर अपडेट गर्न र साथीको ट्विट पढने मात्रै हैन्, DM, Retweets, Favorities, Retweet आदि को प्रयोग पनि गर्न सक्नुहुन्छ ।

छैन त रमाइलो

Happy Tweeting and Happy Facebooking !!