फेरि केही मुक्तकहरू !

सुशासनको रङ्ग

अस्ति ७ घर लुटेर फरार,
आज इज्जतसाथ सार्वजनिक भा’छ ।
हिजो छुरी धसेर भाग्नेले भोलि,
सरकार सँग वार्ता गर्न ला’ छ   ।
बाँचे देखिन्छ भन्थे, हो रै’छ
सुशासनमा यस्तै यस्तै धेरै देख्न पा’ छ ।

फेसबुकको साथी

मलाई देख्दा टाढै देखि हाँसी रै’थीन तिनी ।
चिनिन मैले, तर सोचेँ जाती रै’छिन तिनी।
घर पुगी नेट जोडी हेर्दा पो त था’ भो,
फेसबुकमा मेरो पनि साथी रै’छीन तिनी ।

नेताका कुरा

कर्णालीमा जहाज र पहाडमा रेलको कुरा गर्छौ तिमी ।
गफैमा त पाँच वर्षे योजना, तीन महिना मै पुरा गर्छौ तिमी ।
भो, नबोल अरु बढी, सुन्नेलाई लाज लाग्छ,
संवीधान बनाउन सक्या छैनौ, देश बनाउने के कुरा गर्छौ तिमी ? ।

स्वप्न भङ्ग

अप्सरा झैँ देखेँ टाडाबाट उनलाई,
रोम-रोममा तरङ्ग भो ।
नजिक आइ नियाल्दा पो,
मेरो स्वप्न भङ्ग भो ।

प्रशंसा

पूर्ण चन्द्र झैँ आभा, गुलाफ झै सौन्दर्य,
के के तारिफ गरौँ तिम्रो अरू ।
भो यत्तिमै कुरा सक्छु,
कत्ती झूठो बोल्नु अरु ।