संविधान बन्न नसक्नुको गोप्य कारण— गोप्य दस्ताबेज सहित !

करिब ९ अरब भन्दा बढि रकम र ४ वर्षको समय खर्चेर ६०१ जना सदस्य छानेर बनाउन खोजिएको गणतन्त्र नेपालको संविधान अन्तत: बन्न सकेन् । २०६९ सालको जेष्ठ महिनाको १४ गतेको पनि रातको करिब ८-९ बजे मात्रै अत्यन्त अन्योलका बीच संविधान नबन्ने पक्का भएको थियो ।

त्यसको लगत्तै रेडियो टि.भी. अनि अनलाइन र अफलाइनका खबर सञ्जालमा यो संविधान सभा असफल हुनुको कारणहरूको बारेमा अनेक टीका-टिप्पणी र ज्ञात-अज्ञात सूत्रहरूको खुफिया हवाला दिँदै थरी थरीका समाचार आउन थाले ।

कसैले देशमा निक्लिएको जातीय राज्य मान्ने र जातीय राज्य अमान्य हुने दुई घटकका अन्तर्द्वन्द्व लाइ यसको कारक माने भने कसैले कुनै दल विशेषको हठ वा अडानमा प्रमुख दोष देखे। कसैले यो सबै समस्याको जड नेपालीहरूमा विद्यमान अशिक्षा र गरिबी भएको ठम्याए भने कसैले भने यो सब विदेशी चलखेलका कारण भएको ठहर गरे ।

अनेकानेक टिका-टिप्पणी, खोज र चर्चा परिचर्चाका बीच यस ब्लगरको हातमा एउटा अत्यन्त गोप्य दस्तावेज परेको छ । जसको अध्ययनबाट यो ९ अरब रुपैयाँको अपव्यय र ४ वर्षे समयको दुरुपयोग को एउटै र सटीक कारण अत्यन्तै प्रस्ट हुन्छ ।

ल हेर्नुस सो गोप्य दस्ताबेजको पहिलो पन्ना:

केही बुझ्नु भएन ? । मैले पनि बुझिनँ । यो कागज सायद मदिरा बेच-बिखन रोक्नु अगि नै वानेश्वर क्षेत्रमा कुनै ठूलै मान्छेले बोतल बेरेर लग्दा खसेकोले बीच बीचका अक्षरहरू रक्सीका थोपाले धूमिल भएका छन् । ...तर दोस्रो पेज भने सग्लै भेटिएको छ यो हेर्नुस:

हो, बीच सडकमा नाङ्गै भइसकेपछि पनि र विश्वसामु असक्षम र नालायक साबित भइसक्दा पनि हाम्रा भातमारा नेताहरूले पहिलो पेजको जस्तै गोल-मटोल वा एक अर्कालाई आरोप प्रत्यारोप गरेर शब्दजालबाट बच्ने अनेक तर्क गर्न सक्छन् । तर सत्य भनेको दोस्रो पेजको दुई हरफ नै हुन।

संवीधान बन्न नसकेको एउटै कारण दुई लाइनमा राख्दा बटम लाइन यत्ति हो:

“......यी सबका बाबजुद पनि संविधान बन्न सक्थ्यो तर बनेन। किनकी हाम्रा सभासदहरू अयोग्य थिए। दलका नेताहरू निकम्मा र शीर्ष नेताहरू नालायक थिए ।“

कुरा बुझीहाल्नु भो … त्यसैले मैले भेट्टाएको दस्ताबेजको स्रोत भने गोप्य नै राखौँ है त.. ।