ट्वीटेका ट्वीट र नट्वीट्टीएका भावहरु !

हामीहरू नियमित ट्वीट्टिन्छौ (ट्वीट लेख्छौ) र साथिहरूका १४० शब्दहरू पनि पढ्छौं । युनिकोडको विकास र इन्टरनेटको सुलभताले गर्दा नेपालीमै ट्वीट्टीने ट्वीटेहरूको सङ्ख्या पनि धेरै भइसकेको छ । अत: नियमित ट्विट्टीने ट्वीटेका केही ट्वीटहरू प्राय: दोहरिएर वा करिब करिब उस्तै शब्द र वाक्यमा देखिनु पनि सामान्य नै भएको छ । तर १४० अक्षरमा जे भनिन्छ स्थिति के ठ्याक्कै त्यस्तै नै हुन्छ त ? । हुन पनि सक्छ र नहुन पनि सक्छ । तर बारम्बार पुनरुक्त हुने केही ट्वीटहरू पढ्दा मेरो मनमा केही भावहरू आउँछन् । मेरो जस्तै ठ्याक्कै भाव नभए पनि तपाइको मनमा पनि कुनै ट्वीट पढ्दा यस्तै वा ट्वीटमा व्यक्त गरिएका भन्दा भिन्न र पूरण विपरीत स्थितिको पनि आभास आउन सक्छन् ।

आजको पोस्टमा मैले, आफैंले केही समयको अन्तरालमा पढेका केही ट्वीट र ती ट्वीट पढ्दा मेरो मनमा उठेको भावलाई जस्ताको त्यस्तै राखेको छु । कोही व्यक्ति विशेषको खिल्ली उडाउने वा चरित्र हत्या गर्ने उद्देश्य नरहेकोले सबै ट्वीटमा ट्विटेको ह्यान्डल र व्यक्तिगत नाम हटाएको छु । कुनै विशेष ट्वीट छुटेको देखिएमा तपाई आफैं पनि कमेन्टमा सो ट्वीट र सो ट्वीट पढेपछि उठने भाव लेख्न सक्नुहुन्छ ।

ल हेर्नुस, ट्वीटेले के लेख्छन र के लुकाउँछन त:-

लेखिएका ट्वीटहरू	लुकाइएका यथार्थहरू
आज टाइमलाइन किन सुनसान छ ?	मेरो लेटेस्ट स्टाटस रिट्वीट नै भएन भन्या ?
मान्छेहरू अझै फेसबुकमै छन् ।	मैले पनि भर्खरै हो ट्वीटर चलाउन जान्या ।
नेपालाँ त भर्खर विहान भो होला मेराँ त रातको ११ बजेको छ ।	म अमेरिकामा बस्छु क्या
आज पाँच जनालाई ब्लक हानियो ।	बदमासहरुले हिँजै मलाई अनफलो गरेछन नि त ।
आज ट्वीटर चलाउँदा-चलाउँदा नि झ्याउ लाग्यो ।	बत्ति निभ्ने बेला भो, अब बन्द गर्नु पर्‍यो !
आज मेरो फलोअर संङ्ख्या ५ सय नाघेछ ।	कम्ता मेहनत गरियो त यसको लागि !
थाकियो, अब २-३ दिन ट्वीटर चलाउँदिन ।	अफिसको नेट बिग्रेको छ क्या
ट्वीटेहरू आफूलाई फेसबुकेलाई भन्दा जानकार सम्झन्छन् ।	मलाई पनि पहिला पहिला त्यही भ्रम थियो ।
आजको TL @..... ले कब्जा गरेछ ।	मैले पनि खोज्या हो ...खै के लेखेर पो भर्ने हो ?
म परम स्वतन्त्रतामा विश्वास गर्छु ।	हिन्ट पहिल्यै द्या’छु। मेरा ट्वीट अश्लील पनि हुन सक्छन् ।
मेरा ट्वीट अश्लील लाग्नेले मलाई ब्लक हानुन् ।	१० जनाले ‘अन फलो’ गरि सकेछन्...बचेको इज्जत जोगाउनु पर्‍यो
ट्वीटरमा २-४ जना त बाब्रामका सेवक नै छन् ।	म त ‘अर्कै’को नोकरी गर्छु ।
विदेशमा बस्ने सबै भाँडा माझ्छन् ।	मेरो भिसा न लागेपछि अरू के भन्नु त ।
म नेपालमै बस्छु....स्थिति जस्तोसुकै किन नहोस ।	मेरो पनि भिसा लागेन
विदेशमा बस्ने सबै भाँडा माझ्छन् ।	नेपालाँ बस्नेले चाहिँ जुठै भाडाँमा खान्छन त?
नेपालमा १५ दिन बस्दा लोडसेडीङ्गले कहिल्यै बत्ति देखिएन ।	विदेश आए’छि ओभर लोडले कहिल्यै घाम देखिएन ।
ट्वीटरमा मजा भएन, म अब फेसबुकमै फर्कन्छु ।	१४० अक्षरमा आकाश-पाताल जोड्न मुस्किल हुने रै’छ ।
कार्यालय आइ पुगेको अवस्था ।	कहिलेकाहीँ यत्ति लेखेन भने ट्विट्टीने बाहेक अरू केही काम रहेनछ भन्ठान्लान फेरि
१ प्लेट मम, पिजा र टु पिस चिकेनको खाजा खाँदै ।	चियामा चिउरा भिजार खा’को ट्वीटरमा कसले देख्छ र

कुनै ट्वीटेको नाम किटेको छैन् तैपनि भूलचुक लिनेदिने है ।