होली मुक्तक !!!

-१-

एकोहोरो हेरीरहेँ,
उनको मुहार लाल भयो ।
बिना लोला, बिना अबिर
मेरो होली कमाल भयो ! ।

-२-

उनी भन्छिन्, उनको प्रेममा
धेरै कवि पागल भए ।
म त सोच्छु, ती कवि भए,
पागल त ती पहिल्यै थिए ।

-३-

कतै हुरी बतास, कतै हिमपात हुन्छन्।
कतै ज्वालामुखी, कतै उल्कापात हुन्छन् ।
दशा त दशा नै हो, रूप भिन्दै भए पनि,
जहाँ यी सब हुन्नन् त्यहाँ, नेताको जामात हुन्छन् ।

 

-४-

रेशम जस्तो, बादल जस्तो,
कालो केश तिम्रा देखेँ ।
पक्का भो त्यो तिम्रै थ्यो ,
जब तीनमा जुम्रा देखेँ ।

 

---

यो पनि हेर्नुस:

केही उटपट्याङ मुक्तकहरु

फेरि केही उटपट्याङ मुक्तकहरु