मैदान माथि पहाड
पहाड माथि हिमाल
हिमाल माथि बादल नै हुने रैछ
खै त ?
तिम्ले बताए जस्तो भगवान त
कतै नहुने रैछ ! ।
शास्त्र भनेको पुस्तक
पुस्तक भनेको दर्शन
दर्शन भनेको तथ्य मात्रै त रैछ ।
खै त?
वर्षौ रटाइए जस्तो सत्य त
कतै नहुने रैछ।
तीर्थको नाममा भ्रमण,
व्रतको नाममा दमन,
दानको नाममा अभिमान नै हुने रैछ
खै त?
कथामा भनेजस्तो ज्ञान त
कतै नहुने रैछ।
विचार भन्दा माथी शून्य,
आकार भन्दा पर निराकार,
अन्धकार भन्दा पर प्रकाश नै हुने रैछ ।
अँ त !
स्व को पहिचानमा नै सबै
समाधान हुने रैछ ।
वाह ! दामी !
ReplyDeleteहार्दिक आभार !
Deleteएकदम गहिरो विचारयुक्त अभिव्यक्ति! यो केवल शब्दहरूको संयोजन मात्र होइन, चेतनाको तह खोतल्ने गहन दृष्टान्त पनि हो। सत्य बाहिर कतै लुकेको छैन, बरु खोज्ने दृष्टि फरक हुन सक्छ।
ReplyDeleteहार्दिक आभार !
Delete